• Azərbaycanda

Nardaran hadisəsində öldürülənlər dəfn olunub

Noyabrın 26-da Nardaran qəsəbəsində baş vermiş qarşıdurma zamanı öldürülmüş 3 nəfər qəsəbə sakininin meyiti bu gün səhər saatlarında ailələrinə təhvil verilib.

Ahlibeyt.az-ın vediyi xəbərə görə, Qəsəbə sakininin Trend-ə verdiyi məlumatda bildirilir ki, meyitlər məhdud sayda ailə üzvünün iştirakı ilə dəfn olunub.

Xatırladaq ki, öldürülən kən sakinləri Fərahim Bünyatov, qardaşı Rəfael Bünyatov və Əkbər Babayevdir.

Bundan əlavə, həlak olanlardan iki nəfər Abbas Hüseyni və Sarvan Səfərov başqa rayondan olduğu üçün onların verilib-verilməməsi haqda məlumat yoxdur.

Noyabrın 26-da Nardaran qəsəbəsində hüququ-mühafizə orqanlarının keçirdiyi əməliyyat zamanı yaranmış qarşıdurma nəticəsində yaralananlardan hələ də xəstəxanada qalanlar var.

Bu barədə 3 saylı şəhər Klinik Xəstəxanasının baş həkimi Fikrət Zeynalov məlumat verib. Baş həkim bildirib ki, hadisə nəticəsində xəsarət alan 3 nəfər hələ də xəstəxanada müalicə alır. Yaralıların vəziyyəti normaldır və həyatı təhlükəsi yoxdur.

Xatırladaq ki, noyabrın 26-da hüquq-mühafizə orqanları əməkdaşlarının Nardaranda keçirdikləri əməliyyat zamanı 2-si polis olmaqla 7 nəfər öldürülüb, bir neçə nəfər isə yaralı vəziyyətdə 3 saylı şəhər Klinik Xəstəxanasına yerləşdirilmişdi.

Saytın materiallarından istifadə edərkən istinad vacibdir!

1 Dekabr, 2015 14:45 ⁄ Çap