“Heydər” məscidi dekabr ayında bütün müsəlmanların üzünə açılacaq(Foto)

“Heydər” məscidi möminlərin ibadəti üçün artıq tam hazırdır və dekabr ayında bütün müsəlmanların üzünə açılacaq.

Ahlibeyt.az-ın verdiyi xəbərə görə, bunu Salamnews-a Bakının Binəqədi r-nu ərazisində yerləşən “Heydər” məscid-komleksinin direktoru Hacı Sabir Həsənli bildirib.

Direktor qeyd edib ki,məscidin rəsmi açılış mərasimindən sonra möminlərin maksimum rahatlığı və ibadəti üçün hər cür şəraitin yaradılması ilə bağlı işlər tamamlanıb. Məscidin iki mərtəbəsinə 920 kvadratmetrlik xalça döşənib. Həmin xalçalar məşhur Şeyx Səfi xalça elementlərinə uyğun hazırlanıb.

Hacı Sabir Həsənli xüsusi olaraq onu da qeyd edib ki, Qafqaz məscidlərinin heç birində analoğu olmayan bu geniş ölçülü xalçalar məhz hazırda döşənildiyi yerdəcə toxunub.