Terrorçuların şiə alimini öldürmək planları uğursuzluqla nəticələnib

Bağdadın əs-Seyidiyyə məntəqəsində terrorçular günorta namazından evinə qayıdan Seyyid Yasin əl-Musəviyə evinin qarşısında hücum ediblər.

Bildirilir ki, əl-Musəvinin evi ilə üzbəüz parkda gizlənmiş terrorçular evin qarşısına çatan alimə və onun mühafizəçilərinə atəş açıblar. əl-Musəvinin mühafizəçiləri də öz növbələrində terrorçulara atəşlə cavab veriblər. Polisin hadisə yerinə gəlməsi 15 dəqiqə çəkib və bu vaxta kimi tərəflər arasında atışma davam edib. Yalnız polisin hadisə yerinə gəlməsindən sonra terrorçular hadisə yerindən uzaqlaşıblar.

Atışma nəticəsində Seyyid Yasin əl-Musəvinin heç bir xəsarət almadığı amma onun mühafizəçilərindən bir neçəsinin yaralandığı bildirilir.