“Ənsarullah” Səudiyyəyə məxsus kəndi ələ keçridi

Yəmən ordusu və “Ənsarullah” Səudiyyə Ərəbistanın Cizan vilayətində bir kəndi ələ keçirib

Ahlibeyt.az-ın İslamazeri.az-a istinadən verdiyi xəbərə görə,Yəmən xəbər qaynaqlarının verdiyi məlumatlarda bildirilir ki,Yəmən ordusu və “Ənsarullah” döyüşçüləri Səudiyyə Ərəbistanının Cizan vilayətində növbəti hərbi əməliyyatını keçrib.

Hərbi əməliyyat nəticəsində Səudiyyə Ərəbistanına məxsus 13 zirehli texnika məhv edilərək Həmda kəndini ələ keçiriblər. Səudiyyə hərbçiləri kəndi tərk edərək qaçıblar.

Yəmən ordusu və “Ənsarullah” döyüşçüləri Mərib vilayətində körfəz koalisiyasının ondan artıq müzdlü döyüşçüsünü və 15 tankı məhv edib.

Qeyd edək ki, Səudiyyə Ərəbistanı və müttəfiqlərinin mart ayının 26-dan Yəmənə qarşı başlatdığı təcavüz nəticəsində minlərlə mülki vətəndaş həyatını itirib, 10 minlərlə vətəndaş isə yaralanıb. Yüz minə yaxın insan öz evlərindən didərgin düşüb. Minlərlə yaşayış binası, məktəb, xəstəxana və digər sosial obyektlər dağıdılıb.

Yəməndə humanitar vəziyyət Səudiyyə və müttəfiqlərinin havadan və qurudan tətbiq etdiyi blokada səbəbindən günü-gündən pisləşir. Humanitar təşkilatlar Yəmənə yetərli diqqət ayırmırlar.

Dünya ictimaiyyəti, bəzi ölkələr çıxmaq şərti ilə, Səudiyyə Ərəbistanının bu vəhşiliyinə göz yummağa davam edir.