İran Məkkədəki faciə zamanı mühüm şəxsiyyətlərin oğurlandığını ehtimal edir

Bəzi İran KİV-lərinin yaydığı məlumata görə, Məkkədə baş vermiş faciə zamanı Səudiyyə Ərəbistanının təhlükəsizlik qüvvələri yaranan qarışıqlıqdan istifadə edərək zəvvarlar arasında olan bəzi mühüm şəxsiyyətləri oğurlayıb.

Ahlibeyt.az-ın Salamnews-a istinadən məlumatına görə, xüsusilə, son günlər şəxsiyyəti müəyyən olunmayan meyitlərin kütləvi dəfn olunacağı xəbəri yayıldıqdan sonra İran mediası bunun, məhz, həmin şəxslərin oğurlanması ilə bağlı olduğunu deyir.

Məlumata görə, hadisə zamanı itkin düşmüş adamlardan biri İranın Livandakı keçmiş səfiri, "Hizbullah" hərəkatının şura üzvü Qəzənfər Rüknəbadidir.

İran saytları, həmçinin "Sepah"ın 4 generalının da itkin düşdüyü barədə məlumat yayıblar.