Ayətullah Məkarim Şirazi Həcc ziyarətinin Səudiyyənin əlində cəmlənməsinə etiraz etdi

Gözlər ayrılıqdan qan ağlayır, qəlblər bu böyük müsibətin atəşindən yanıb qovrulur. “İki şərif hərəm”in idarəsi üçün idarəçiliyi bilən, bacarıqlı və kifayət qədər təcrübəsi olan idarə heyəti təyin edilməlidir.

Ahlibeyt.az-ın Makarem.ir-ə istinadən verdiyi məlumata görə,bunu Ayətullahul-üzma nasir Məkarim Şirazi Minada Həcc ziyarəti zamanı baş verən faciəyə münasibət bildirərkən qeyd edib.

Ayətullah Məkarim Şirazi başsağlığında buyurur:

Bismillahir-Rəhmanir-Rəhim

İnna lillahi və inna iləyhi raciun

Minada baş verən ağrılı hadisə İslam dünyasını yasa boğdu. Elə bir faciə ki, bütün ölkələrin və əziz ölkəmizin çoxlu sayda müsəlmanlarının yaralanması və tələfatı ilə nəticələndi. Gözlər ayrılıqdan qan ağlayır, qəlblər bu böyük müsibətin atəşindən yanıb qovrulur.

Bəndə bütün dünya müsəlmanlarına, xüsusilə öz əzizlərini itirən ailələrə səmimi qəlbdən başsağlığı verirəm.

Ümidvaram ki, onların pak ruhu ilahi rəhmətin kənarında Kərbəla şəhidləri ilə birgə məhşur olsun. Qalanlarına isə Allah gözəl səbr, ali mükafat lütf eləsin və onları qiyamət günü üçün azuqə olaraq müəyyən etsin.

Bu böyük faciə məcbur edir ki, İslam alimləri bir tərəfdən, siyasətçilər digər tərəfdən ən tez halda konfranslar təşkil edib, “İki şərif hərəm”in(Məkkə və Mədinə) idarəsi üçün bir tədbir görsünlər.

Hazırkı həccin öhdədarları praktiki olaraq isbat etdilər ki, bu işi görmək səlahiyyətinə malik deyillər. Bu faciənin digər illərdə, növbəti həcc mərasimlərində təkrar mümkünlüyü qorxulu bir ibadət adı altında həccin müqəddəsliyinə ağır zərbə vuracaq.

İndi ki, İslam dünyasının ümumi təfəkkürü aktivdir, bu barədə tədbir görülməli, “İki şərif hərəm”in idarəsi üçün idarəçiliyi bilən, bacarıqlı və kifayət qədər təcrübəsi olan heyət təyin edilməlidir. Əlbəttə, səudililərin də bu heyətdə iştirakına heç bir maneə yoxdur. Şübhəsiz, əgər bu işdə səhlənkarlıq edilsə və Allah eləməmiş mümkün hadisələr təkrarlansa, onun məsuliyyəti artıq hər kəsin boynunda olacaq.

Nasir Məkarim Şirazi