Liviyanın yeni qanunvericiliyinin mənbəyi İslam olacaq

Liviyanın Qəzzafinin əsarətindən tam azad olunmasını bayram edən liviyalıların qarşısdında çıxış edən MKŞ-nın rəhbəri Mustafa Əbdülcəlil bir daha bildirib ki, İslam əhkamı Liviyanın yeni qanunvericiliyinin mənbəyi olacaq.

Baş meydanda çıxış edən Mustafa Əbdülcəlil deyib ki, biz müsəlman millətiyik. Deməli, bizim yeni qanunvericiliyimiz mənbəyi İslam olacaqdır. Və İslam şəriətinə qarşı olan istənilən qanun rədd ediləcəkdir.

Musrtafa Əbdülcəlil Liviyada faizsiz, sələmsiz kredit verəcək İslam banklarının açılacağını bildirərək deyib ki, insanlar arasında yayılan xəstəliklərin və nifrətin hamısının səbəbi sələmdir.

Liviyanın azadlığı uğrunda canından keçən şəhidlərə rəhmət oxuyaraq deyib ki, onlar indi Cənnətdə peyğəmbərlər(ə) və şəhidlərlə bir yerdədirlər.

Xatırladaq ki, Mustafa Əbdülcəlil Tripolinin alınmasından sonra Şühəda meydanında etdiyi çıxış zamanı da bildirmişdi ki, Liviyanın yeni qanunvericiliyini mənbəyi İslam olacaqdır.