Ayətullah Xamneyi - Biz Amerikanın ölkəmizə nüfuz etmə yolunu bağladıq

“Amerika bu anlaşma ilə (nüvə anlaşması) ölkəmizə nüfuz etmək istəyirdi. Biz bu yolun qarşısını aldıq.”

Ahlibeyt.az-ın verdiyi məlumata görə,Salamnews-un “Khamanei.ir”-ə istinadla verdiyi xəbərdə bildirilir ki, bunu İran islam inqilabının ali lideri ayətullah Seyid Əli Xamenei Beynəlxalq Əhli-Beyt Assambleyasının üzvlərini qəbul edərkən deyib.

Ayətullah Xamenei bildirib ki, Qərb, “altılıq”la əldə edilmiş nüvə anlaşmasından ölkəyə mədəni, iqtisadi, siyasi və digər zəminlərdə nüfuz etmək istəyib, amma bunun qarşısı qətiyyətlə alınıb.

“Bu anlaşma heç məlum deyil ki, burada yaxud orada təsdiqlənsin. Onlar bunun vasitəsilə ölkəyə nüfuz etmək istədilər. Bunun qarşısını aldıq. Biz bütün gücümüzlə Amerikanın iqtisadi baxımdan ölkəmizə nüfuz etməsinə, həm də, siyasi və mədəni baxımdan nüfuz etməsinə qarşı çıxacağıq.”