Hizbullahın İsrailin yeni müharibəsinə cavabı Tel-Əvivdən başlayacaq

Livanın əl-Əxbar qəzeti xəbər verir ki, Livanın Hizbullah təşkilatının baş katibi Seyyid Həsən Nəsrullah təşkilatın məsul şəxsləri ilə görüşdə bildirib ki, əgər İsrail Livana qarşı yeni müharibə başlatsa, Hizbullahın cavabı İsrailin paytaxtı Tel-Əvivdən başlayacaq.

Qəzet bildirir ki, Seyyid Həsən Nəsrullah həmçinin deyib ki, İsrail 2006-cı ildə bizimlə müharibə edərkən istəyirdi ki, bizim belimizi və sümüklərimizi sındırsın və müqaviməti məhv etsin. Lakin bunun əksi baş verdi. Və gələcəkdə əgər İsrail müharibəyə başlamış olsa, gərək İsrail ordusunun sümüklərinin belə toza döndəriləcəyinə hazır olsun. Çünki müqavimət bu dəfə tərtib etdiyi yeni taktikadan istifadə edəcək. 

Qeyd edək ki, əl-Əxbar qəzetində dərc olunan bu xəbər nə Hizbullahın mətbuat xidməti və nə də rəsmi televiziya kanalı olan əl-Mənar kanalı tərəfindən təsdiq və ya təkzib edilməyib.