İncirlik hərbi bazasının girişi
Artıq Türkiyə hakimiyyəti ABŞ-na ölkə ərazisində İŞİD terror qruplaşmasının mövqelərinə zərbələrin vurulması üçün aviasiyanı yerləşdirməyə icazə verib. Bu haqda “The Wall Street Journal” amerika qəzetinin elektron versiyası bildirib.
Pentaqonda olan nəşrin mənbələri iddia edir ki, "çoxaylıq danışıqlardan sonra Türkiyə ABŞ hərbiçilərinə Suriyayla sərhədə yaxın ABŞ-ın Hərbi Hava Qüvvələrlərinin bazasından İŞİD döyüşçülərinə havadan zərbələr vurmağa icazə verməyə razılaşıb". Söhbət həm təyyarələr , həm də pilotsuz təyyarələr haqqında gedir.
İncirlik hərbi bazası
Nəşr iddiasına görə, razılaşma Türkiyə prezidenti Rəcəb Tayip Ərdoğan və ABŞ prezidenti Barak Obama tərəfindən bəyənilib. Çərşənbə günü onlar Ağ evdə görüşüblər.Bu görüşdə ABŞ və Türkiyə prezidentləri Barak Obama və Rəcəb Tayyib Ərdoğan əcnəbi silahlıların Suriyaya axınının qarşısının alınmasına və Türkiyə-Suriya sərhədinin təhlükəsizliyinin təmin olunmasına dair razılığa gəliblər.
Türkiyənin baş nazirliyi Suriyada İŞİD mövqelərinin bombardıman edilməsi barədə açıqlama yayıb. ANS PRESS-in məlumatına görə, açıqlamada deyilir ki, baş nazir Əhməd Davudoğlu iyulun 23-də Çankaya iqamətgahında keçirilən Təhükəsizlik toplantısında sərhəddə yaşanan İŞİD hücumlarını qiymətləndirib və görüləcək təhlükəsizlik tədbirlərinə qərar verib.
Türkiyə Suriya sərhədinin xəritəsi
Bu çərçivədə Türk Hava Qüvvələri terror təşkilatına aid Suriyadakı hədəfləri vurmaq üçün əməliyyat keçirib.
"Saat 03:12 də (Bakı vaxtı ilə 05:12) Diyarbakır hava bazasından 3 ədəd F 16
havaya qalxıb. Saat 03:40 - 03:53 arasında icra edilən hərbi əməliyyat zamanı İŞID-a aid 3 hədəf vurulub. Daha öncədən müəyyən edilən 2 qərargah və 1 toplanma nöqtəsinə 4 bomba atılıb. Qırıcılar saat 04:24-də bazaya geri qayıdıblar.Türkiyə Cumhuriyyəti milli təhlükəsizliyini qorumaq üçün lazımi tədbirləri görməkdə qərarlıdır.
İncirlik hərbi bazası uçuş zolağı
