Bu gün İranın nüvə proqramına dair saziş imzalana bilər

Tehran beynəlxalq embarqonun dərhal ləğv edilməsi ilə bağlı mövqeyinə yenidən baxmağa hazırdır

İranla “altılıq” ölkələri (BMT Təhlükəsizlik Şurasının daimi üzvləri və Almaniya) arasında Cenevrədə aparılan nüvə danışıqlarında yekun razılaşma sənədi bu gün imzalana bilər.

Ahlibeyt.az-ın İslam.az-a istinadən məlumatına görə,İnterfaks agentliyinin verdiyi xəbərdə bildirilir ki,İranla aparılan danışıqlar masasında bir sıra problemli məqam qalsa da, razılaşma iyulun 13-də əldə oluna bilər.

qeyd olunur ki,Tehran beynəlxalq embarqonun dərhal ləğv edilməsi ilə bağlı mövqeyinə yenidən baxmağa hazırdır.

Rusiya Tehranı dəstəkləyərək bildirir ki, razılaşma sənədi qüvvəyə mindiyi gün embarqo tamamilə götürülməlidir.

Lakin ABŞ xüsusi ilə silah embarqosunun 8 il sonra dayandırılmasını təklif edir. Çin isə hesab edir ki, sözü gedən embarqonun ləğvi üçün iki il kifayətdir.

Məlumata görə,Tehran güzəştə gedərək "Çin variantına" üstünlük verəcək və beləliklə yekun sənəd imzalanacaq.