Səudiyyədə 280 mədrəsə şiələrin qətlinin vacib olduğunu tədris edir

İraq parlamentinin deputatı Vail Əbdüllətif bildirib ki, Səudiyyə Ərəbistanında 280 mədrəsədə İraqda şiələrin qətlinin vacib olunması tədris ounur.

Həmin mədrəsələrdə şiələrin əleyhinə fətvalar verilir deyən Vail Əbdüllətif bildirib ki, bununla səudiyyəliləri iraqlılara qarşı "cihada" təhrik edirlər.

Vail Əbdüllətif həmçinin İraq hökümətinin buna biganə yanaşmasından gileylənərək İraq hökümətinin Səudiyyəyə bu məsələdə ciddi etirazını bildirməsini istəyib.

Xatırladaq ki, keçən ay İraqdan Suriyaya Xanım Zeynəbi(s.ə) ziyarətə gedən 22 nəfərin şəhid edilməsindən sonra İraqın baş naziri Nuri əl-Maliki də bu cinayətdə qonşu ölkələrdən birinin əli olduğunu bildirmişdi. Nuri əl-Maliki həmin ölkənin adını çəkməsə belə, onun çıxışından sonra İraq mətbuatı həmin ölkənin Səudiyyə Ərəbistanı olduğunu yazmışdı.