HƏMAS İslam ölkələrini Qüds günündə Fələstin məsələsinə diqqət yetirməyə çağırıb

HƏMAS bütün ərəb və müsəlman ölkələrindən Beynəlxalq Qüds günündə Fələstin məsələsini önə çəkməyi istəyib.

Ahlibeyt.az-ın Salamnews-a istinadən məlumatına görə,bu barədə İslami Mübarizə Hərəkatının(HAMAS) üzvü və Qəzzada parlamentin nümayəndəsi Əhməd Əbu-Hələbiyə məlumat verib.

HƏMAS nümayəndəsi Beynəlxalq Qüds gününün ayətullah Xomeyni tərəfindən elan edilməsini Fələstin probleminə lazımi dəyərin və öməmin verilməsi kimi qiymətləndirib.

Qeyd edək ki,Ramazan ayının son cümə günü qeyd edilən Beynəlxalq Qüds günü İran İslam İnqilabının qələbə çalmasından bir il sonra Ayətullah Xomeyni tərəfindən elan edilib. Bu beynəlxalq gün bir çox müsəlman ölkələrin diqqət mərkəzində olsa da “ərəb baharı”dan və İŞİD təhlükəsinin peyda olmasından sonra arxa planlara keçib.