İmam Hüseyn(ə) barədə yeni film Azərbaycan dilində ( Video - foto)

Kino-rejissor Əhməd Rza Dərviş Həzrət İmam Hüseynə (ə) və Kərbəlaya həsr olunmuş yeni "Qiyamət günü" adlı möhtəşəm film ərsəyə gətirib. Filmdə İranın məşhur aktyorları çəkiliblər. Səsləndirilmə Almaniyanın kinostudiyalarında həyata keçirilib.

Ahlibeyt.az-ın verdiyi xəbərə görə,filmin Azərbaycan dilində də dublyaj işləri başlayıb və yaxın 2 aya hazır olacaq. Bu barədə FaktXəbər-ə "Kainatfilm" studiyasının rəhbəri Süleyman Fərzəliyev bildirib. Dublyajda xalq artistləri İlham Əsgərov, Nürəddin Mehdixanlı, Ramil Zeynalov, Mahir Mirişli, Sabir Məmmədov, Vidadi Həsənov, Kazım Abdullayev, Təranə Ocaqverdiyeva, Elşən Rüstəmov, Məmməd Səfa və sairlər iştirak edir.

Filmin Azərbaycan dilinə Süleyman Fərzəliyev, Könül Cavadova, Təmkin Cəfərov tərcümə ediblər. Səs rejissoru Hüseyn Həsənovdur. Ona Xeyrulla Zeynalov və Ülviyyə Əsədova yardım edirlər.

Süleyman Fərzəliyevin bildirdiyinə görə, "Qiyamət günü" filmi "Oskara" namizədlik adını alıb. Filmin tərcümə edildikdən sonra Azərbaycan kinoteatrlarında da göstərilməsi nəzərdə tutulub.