Nəcəfin imam cüməsi - İŞİD təkfirçi - terror qruplaşması dini elmi hövzələr üçün real təhlükədir

İŞİD tərəfindən dini müəssisələri təhdid edən ilk təhlükə bu qrupun siyasi güc mərkəzlərindən əmr alması, ikinci təhlükə isə dini müəssisə və hövzələrin xalq kütləsindən uzaqlaşmasıdır.

Ahlibeyt.az-ın İqna-ya istinadən verdiyi xəbərə görə,bunu İraqın müqəddəs Nəcəf-Əşrəf şəhərinin Cümə Namazı xətibi Höccətul-İslam vəl-müslimin Qəbançi Kufə şəhərində keçirilən "Hövzə və Universitetlərin elmi mütali mərkəzi"nin 5-ci elmi konqresində çıxış edərkən bildirib.

O bildirib ki, "İŞİD terrorist qruplaşması dini-elmi hövzələr üçün real təhlükə və təhdid mənbəyidir,həmçinin İŞİD öz ifrati və radikal təkfirçi təfəkküründən elmi dini hövzələrin əleyhinə istifadə edir. Elmi dini hövzələr təsis olunduğu gündən  müxtəlif təhlükə, təhdid və problemlərlə üz-üzə qalmışdır. Məsum imamlarımız da həmişə xəbərdarlıq ediblər ki, elmi dini hövzələr heç vaxt siyasi hakimiyyət və qüdrətə bağlı olmasınlar."

Nəcəfin Cümə Namazı imamı qeyd edib  ki,keçmişdə məzhəbini məhv etmək istəyənlər hakimlər tərəfindən idarə olunurdular. Bu gün də İŞİD təkfirçi-terror qruplaşması dini elmi hövzələri məhv etmək üçün İslam və Əhl-Beyt (ə) düşmənlərinin əsas silahına çevirilib və müxtəlif formalarda elmi dini hövzələrə qarşı döyüşürlər.

Qəbançi vurğulayıb: İŞİD tərəfindən dini müəssisələri təhdid edən ilk təhlükə bu qrupun siyasi güc mərkəzlərindən əmr alması, ikinci təhlükə isə dini müəssisə və hövzələrin xalq kütləsindən uzaqlaşmasıdır.

O, dini hövzələr və xalqın yaxınlığının əhəmiyyətinə işarə edərək bildir ki, dini təqlid mərcələrinin terrorizm əleyhinə mübarizə üçün "cihad" fətvası verməsi çox mühüm siyasi və tarixi bir qərar idi.