İŞİD Suriyanın İraqla sərhəddə sonuncu buraxılış məntəqəsini ələ keçirib

İŞİD terrorçuları Suriya hökumətinin Suriya-İraq sərhədində nəzarətində qalan sonuncu buraxılış məntəqəsini ələ keçirib.

 

Ahlibeyt.az-ın Apa-ya  istinadən verdiyi xəbərə görə,İraq hökuməti öz ərazisindəki blok postları ləğv etdiyini bildirib.

 

Qeyd edək ki, bundan əvvəl İŞİD qədim Palmira şəhərini ələ keçirib. Şiddəti döyüşlərdə 100-dən çox suriyalı hərbçinin həlak olduğu bildirilir.

 

Hazırda terror təşkilatının Suriyada nəzarət etdiyi ərazilər Həsəka əyalətinin cənub-şərqini, Hələbin Mare şəhəri, Dəməşqətrafı əyalətin şərqi, Homs və Həma əyalətlərinin şərqindən başlayan əraziləri, Dirazzur və ər-Riqqa əyalətlərinin demək olar hamısını əhatə edir.

 

Dəməşqin cənubundakı iki rayon və qəsəbə, eləcə də, Dəra əyalətindəki İŞİD tərəfdarı olan qruplaşmalar ərazisi 185 min kvadrat kilometrə çatan, Suriyanın tən yarısından daha böyük ərazinə nəzarət etdiyi ehtimal olunur. Bu bölgələr seyrək məskunlaşma ilə yanaşı neft və qaz yataqlarına malik olması ilə seçilir.