ABŞ dövlət departamentindən bildirilib ki,Yəməndə bir-birinə qarşı mübarizə aparan qüvvələr arasında danışıqlara başlamaq üçün İrana bu ölkədə husilərlə əlaqəsindən istifadə etməsi xahişi ilə müraciət edib.

Ahlibeyt.az-ın RiaNovosti - yə istinadla verdiyi xəbərə görə, bu barədə ABŞ Dövlət Departamentinin nümayəndəsi məlumat verib.Dövlət Departamentindəki mənbənin sözlərinə əsasən, ABŞ dövlət katibi Con Kerri belə bir xahişlə Nyu-Yorkda nüvə danışıqları çərçivəsində baş tutan görüş zamanı İranlı həmkarı Məhəmməd Cavad Zərifə müraciət edib.

Kerri bir qədər əvvəl Yəməndəki tərəfləri regionda zorakılıq səviyyəsini endirməyə və ölkə maraqlarının nəzərə alınacağı danışıqlara başlamağa çağırmaq niyyətində olduğunu bildirmişdir.

Qeyd edək ki,İstefa verərək vəzifəsindən uzaqlaşmış Yəmənin keçmiş prezidenti A.Hadi bir müddət sonra ölkəni tərk edərək Səudiyyə Ərəbistanına qaçmış,özünün prezident vəzifəsinə qaytarılması üçün  Səudiyyə kralına  Yəmənə hərbi müdaxilə olunması barədə müraciət etmişdir.

Bir qədər əvvəl A.Hadi Yəmən danışıqlarına Husilərin rəhbəri Abdul Malik Husi və keçmiş Yəmən prezidenti Abdullah Salehin qatılamasının əleyhinə olduğunu bildirib.