Şiə məntəqəsi mühasirəyə alındı

Səudiyyə Ərəbistanından verilən son məlumatlara əsasən, son günlər rejimə qarşı etiraz aksiyaları keçirməklə yadda qalan Qətif şəhəri Səudiyyə ordusu tərəfindən mühasirəyə alınıb. Şahidlərin bildirdiyinə görə, şəhərin ətrafında zirehli texnika cəmləşdirilib və əlavə olaraq Zohran mətəqəsindən də texnika Qətif şəhərinə doğru irəliləməkdədir. Zirehli texnikadan başqa şəhərin ətrafında xeyli sayda hərbi avtomobillər də yerləşdirilmişdir.

Mənbənin bildirdiyinə görə, yaxın saatlarda şəhərə geniş miqyaslı hücum gözlənilir.

Bundan başqa bir neçə gün öncə etiraz aksiyalarında iştirak etdiyinə görə həbs olunmuş şəxslərə terrorçuluq və dövlətçiliyə xəyanət maddələri ilə cinayət işi açılmışdır ki, Səudiyyə qanunlarına əsasən bu maddələrlə ittiham olunmuş şəxsləri edam hökmü gözləyir.