Husi hərəkatı BMT-nin Yəmənə qarşı qətnaməsini rədd etdi

BMT Təhlükəsizlik Şurasının qətnaməsi zalım qərardır və bu, Yəmən xalqının öz qiyamını başa çatdırmağının və "əl-Qaidə"nin sonuna çıxmağının qarşısını ala bilməyəcək.

Ahlibeyt.az-ın verdiyi məlumata görə Salamnews-un-un Al Alam-a istinadla verdiyi xəbərdə qey olunur ki, bunu Husilərin “Ənsarullah”  siyasi qanadının üzvü Məhəmməd əl-Buxayti bildirib.

O, BMT TŞ-nin Husilərə qarşı qətnaməsinə belə münasibət bildirib: "Bu qətnaməyə cavab belə verməyə ehtiyac yoxdur. Onun döyüş meydanlarına təsiri olmayacaq. Xaricdən gələn silaha ehtiyacımız yoxdur ki, bizə hərbi yardımın verilməyini qadağan etsinlər. Ona görə də bu, bizə təsir göstərməyəcək.

Təhlükəsizlik Şurasının bu qətnaməsi Yəmən xalqı üçün zalım qərardır. Amma bu, yəmənlilərin öz qiyamlarını başa çatdırmalarının və "əl-Qaidə"nin sonuna çıxmalarının qarşısını ala bilməyəcək.”

Bildirək ki, BMT TŞ-nin müvafiq qətnaməsində Husilərin əllərində olan silahları təhvil verməsi,öz mövqelərini tərk etməsi və danışıqlara orurması barədə qərar və keçmiş prezident Əli Abdullah Salehin oğluna qarşı sanksiya yer alıb.

Ekspertlərin fikrincə, qətnamənin bu hissəsi tərəflərin siyasi danışıqlar masasına oturmaq istəklərinin qarşısını alacaq.