ABŞ Prezidenti- Xameneinin nüvə silahının haram olmağı ilə bağlı verdiyi fətva anlaşma üçün yaxşı mexanizmdir

Xameneinin nüvə silahının haram olmağı ilə bağlı verdiyi fətva anlaşmanın icrası və onun öhdəliyi barədə yaxşı mexanizmdir.

Ahlibeyt.az-ın verdiyi xəbərə görə,Salamnews-un Al-Mayadeen-ə istinadla verdiyi məlumatda bildirilir ki, bunu ABŞ prezidenti Barak Obama Ağ evdə nüvə anlaşması ilə bağlı etdiyi çıxışda bildirib.

ABŞ prezidenti İranın qoyulmuş şərtlərə əməl edəcəyi təqdirdə, ona qarşı tətbiq olunan bütün sanksiyaların tədricən götürüləcəyini, iranlılarla qarşılıqlı hörmət prinsipi əsasında danışıqlara davam ediləcəyini deyib.

B.Obama Konqresi anlaşmanın əleyhinə çıxmaqdan çəkindirib, onun anlaşmanın tətbiqinə əngəl törədəcəyi təqdirdə, ABŞ-ın beynəlxalq arenada qınanılacağını bəyan edib.

Bildirək ki, ABŞ prezidenti ötən gün nüvə anlaşmasının əldə edilməyindən sonra Səudiyyə Ərəbistanı kralı Salman bin Əbdüləziz və İsrailin baş naziri Binyamin Netanyahu ilə telefon bağlantısında olub.

ABŞ lideri Səudiyyə Ərəbistanı kralını körfəzdə yerləşən ərəb ölkələrinin təhlükəsizliyi barədə arxayın edib.