2 nəfərə 7 gün həbs verilib

Bu gün Azərbaycan İslam Partiyasının (AİP) sədri Hacı Mövsüm Səmədov, onun qayını Firdovsi Məmmədrzayev, əmisi oğlu Dəyanət Səmədov, partiya sədr müavini Vaqif Abdullayev və Astara rayon təşkilatının sədri Rufulla Axundzadə, ruhanilər Seyyid Fəramiz Abbasov və Zülfüqar Mikayılzadənin cinayət işi üzrə məhkəmənin son iclası keçrilib.

Xəbər verdiyimiz kimi məhkəmə iclası başlamazdan öncə məhkəmədə iştirak etmək istəyən və məhkəmənin qərarını öyrənməyə gələn şəxslər polis zorakılığına məruz qalıb. Polislər inanclılara dəyənəklərlə hücum edərək 16 nəfəri Nəsimi rayonu 22-ci polis bölməsinə aparıb. 

İslamazeri.az-ın müxbirinin 22-ci polis bölməsindən verdiyi xəbərə görə, artıq 13 nəfər azadlığa buraxılıb. 3 nəfər məhkəməyə aparılmış, onlardan 2-sinə Vüqar ilə Mirtosif adlı şəxsə 7 sutka həbs qərarı verilib. Digər Soltan adlı şəxs isə məhkəmədən azadlığa buraxılıb.

islam-azeri.az