Almaniyada daha bir İslamofob yürüş keçirilib

Almaniyanın Drezden şəhərində “Qərbin İslamlaşmasına Qarşı Vətənpərvər Avropalılar” (PEGIDA) hərəkatı tərəfdarları növbəti mitinqini keçirib.

Ahlibeyt.az Teleqraf.com-a istinadən xəbər verir ki, aksiyada 10 min etirazçı iştirak edib. Nümayişdə təhlükəsizlik tədbirləri ilə əlaqədar şəhərə əlavə polis qüvvələri cəlb edilib. Etirazlar zamanı polislə qarşıdurma yaşanıb. Polisin verdiyi açıqlamaya görə, iğtişaşlar zamanı bir neçə fəal həbs edilib.

Nümayiş iştirakçıları əsasən parlamentin məktəblərdə müəllimlərin hicab taxmasına razılıq verən qanunu qəbul etməsinə qarşı fikirlər səsləndiriblər. Aksiyada çıxış edən PEGİDA-nın rəhbərlərindən olan Lutz Baçman bu qanunun dözülməz olduğunu bildirib: “Belə davam etməz. Biz ölkəmizdə özümüzü yad hiss edirik”.

Etirazçı kütlə qanunun dərhal ləğv edilməsini tələb ediblər. Onlar əks halda etirazların bütün ölkəni bürüyəcəyini açıqlayıblar.