İŞİD imamların Samirradakı məqbərələrinə hücum edib(Video)

İraqın Səlahhədin vilayətində İraq ordusu ilə İŞİD terrorçuları arasında gedən döyüşlərin son görüntüləri yayımlanıb.

Ahlibeyt.az-ın İslamazeri-yə istinadən verdiyi xəbərə görə,videoların birində Samirra şəhəri ətrafında katerlə şəhərə hücum edən İŞİD terrorçularının bir qrupunun İraq ordusu tərəfindən məhv edildiyi görünür.

 

Qeyd edək ki, "İslam Dövləti" (İŞİD) terror təşkilatı dünən axşam saatlarından başlayaraq, İraqın Samirra şəhərində minaatanlar və raketlərdən İmam Hadi (ə) və İmam Həsən Əsgərinin (ə) məqbərələrinə, eləcə də könüllü briqadaların buradakı qərargahlarına hücum edib.Ahlibeyt.az-ın Salamnews-a istinadən verdiyi xəbərə görə, hücumlardan sonra Samirrada fövqəladə vəziyyət elan edilib. Şəhərdə işıqlar sönüb.

 

Məlumata əsasən, bu hücumlarda könüllü briqadaların 10-dan çox üzvü həlak olub və yaralanıb.İŞİD üzvləri özlərinin "Twitter" səhifələrində Təşkilat silahlılarının şəhərin girəcəklərində bir neçə kamikadze əməliyyatı həyata keçirdiklərini yazıblar.

 

Terror təşkilatı hücumların hələ də davam etdiyini iddia edir.

Video