BMT Baş Katibinin müavini V.Amos - “İŞİD” 350 uşağa öz düşərgələrində hərbi təlim keçir

“İslam Dövləti” (“İŞİD”) uşaqları öz sıralarına cəlb edərək onları təlim düşərgələrinə göndərir.

Ahlibeyt.az-ın Apa-ya istinadən verdiyi xəbərə görə,“ABC News” agentliyinin məlumatında bildirilir ki,bunu BMT baş katibinin müavini Valeri Amos Təhlükəsizlik Şurasının iclasında deyib.

Toplantıda qruplaşmanın sıralarına cəlb olunan uşaqların sayında artım olduğu bildirilib. V. Amos Suriyanın Rakka şəhərindəki “İŞİD” düşərgəsində 350 uşağın təlim keçdiyini söyləyib. Bu uşaqlardan ən kiçiyi 5 yaşındadır.

V. Amos humanitar yardıma ehtiyacı olan uşaqların sayının 4 milyondan 5,6 milyona yüksəldiyini də açıqlayıb: “Uşaqları öldürür, işgəncələrə və seksual zorakılığa məruz qoyurlar”.

Baş katibin müavini BMT-dən Suriyada baş verən kobud insan haqları pozuntularına görə cəzasızlığa son qoymağa və cinayətlərdə əli olanları məsuliyyətə cəlb etməyə çağırıb.