Hicri-qəməri tarixinin ikinci ayı yəni səfərin 20-i İmam Hüseynin (ə) Kərbəlada şəhid edilməsinin 40-cı gününə təsadüf edir ki, bu günü müsəlmaların əksəriyyəti matəm günü kimi qeyd edirlər.

Ahlibeyt.az-ın verdiyi xəbərə görə, Qafqaz Müsəlmanları İdarəsi (QMİ) Azərbaycan müsəlmanlarına İmam Hüseyn (ə) təziyəsi ilə bağlı başsağlığı  verib.

İdarənin mətbuat xidmətindən verilən məlumata görə, İmam Hüseynin (ə) şəhadətinin 40-cı günü münasibətilə Azərbaycan məscidlərində matəm mərasimi keçiriləcək.

Mərasimlər paytaxtın "Məşədi Dadaş", "İmam Hüseyn", "Xanım Zəhra", "Hacı Cavad", "Hacı Soltanəli", "Qasımbəy",Hüseyniyyə"və digər məscid və ziyarətgahlarında, o cümlədən Bakı kəndlərinin əksər məscidlərində keçiriləcək. Mərasimlərdə “Ərbəin” günü ilə bağlı məlumatlar veriləcək,əzadarlıq keçiriləcək.

Qeyd edək ki,Paytaxtda və şimal bölgəsinin bəzi məscidləri istisna olmaqla, bütün bölgələrdəki məscidlərdə keçiriləcək mərasimlərdə Kərbəla hadisələrinin tarixi mahiyyəti, Vətən, iman sevgisi, torpağa bağlılıq təlqin olunacaq.

Məclislərdə Kərbəla şəhidlərinin şəninə xütbələr oxunacaq, Vətənimiz uğrunda şəhid olanların əziz xatirəsi yad ediləcək.