Səudiyyə Ərəbistanının əl-İhsa əyaləti ərazisində məhərrəm ayı ilə əlaqədar keçirilən mərasimdə əzadarlara hücum edən doqquz nəfərdən ibarət qrup ələ keçirilib.

Ahlibeyt.az-ın verdiyi xəbərə görə bu barədə İnteraz agentliyi "Al Jazeera"ya istinadla məlumat vermişdir.Məlumatda bildirilir ki, Səudiyyə Ərəbistanı polisi silahlılara qarşı keçirilən əməliyyatlarda iki polis məmurunun həlak olduğunu, silahlı qruplaşmanın isə bir üzvünün zərərsizləşdirildiyini, eləcə də 11 nəfərin saxlanıldığını bildirib.

Bir sıra yerli mənbələr hücumun vaxtilə Suriyaya getmiş təkfirçilər tərəfindən törədildiyini söyləyirlər.

Xatırladaq ki, Tasua günündən Aşura gününə keçən gecə əl-İhsada keçirilən mərasimə naməlum silahlılar tərəfindən edilən hücumda səkkiz nəfər həlak olub, 10-dan çox insan yaralanıb.