ABŞ aviasiyasının "İslam Dövləti" terror qruplaşmasının Suriyadakı mövqelərinə havadan zərbə bu ölkəyə hücum kimi qiymətləndirəcək

Rəsmi Moskva ABŞ-ın Dəməşq hakimiyyətinin icazəsi və BMT Təhlükəsizlik Şurasının qərarı olmadan “İslam Dövləti” (İD) terror təşkilatının Suriyadakı mövqelərinə havadan zərbə endirməsini bu ölkəyə hücum kimi qiymətləndirəcəyini açıqlayıb.

Ahlibeyt.az-ın rusiya mətbuatına istinadən verdiyi məlumata görə, bunu Rusiya Xarici İşlər Nazirliyinin xüsusi nümayəndəsi Aleksandr Lukaşeviç bildirib.

Rusiya XİN rəsmisinin sözlərinə görə, prezident Barak Obama ABŞ ordusunun İraqda aviazərbələrin hökumətlə razılaşdıralacağı,lakin Suriyada Dəməşq hökumətinin icazəsi olmadan İŞİD-in hədəflərinə qarşı hücum təşkil edəcəyini açıqlayıb: “BMT Təhlükəsizlik Şurasının qərarı olmadan bu istiqamətdə həyata keçiriləcək əməliyyat digər ölkənin ərazisinə hücum etmək və beynəlxalq hüququn ən kobud şəkildə pozulmasıdır”.

Qeyd edək ki, Suriya hakimiyyətinin ölkə ərazisində terrorçu qruplara qarşı hər hansı bir kənar qüvvələrin əməliyyat aparmasının yolverilməz olduğunu və bunun Suriyanın suverenliyinə hucum kimi qiymətləndiriləcəyinin ardınca  Rusiya xarici işlər naziri Sergey Lavrov da İraq və Suriyada İŞİD-ə qarşı əməliyyat həyata keçirən ABŞ hərbi təyyarələrinin Suriya lideri Bəşər Əsədə məxsus hərbi birlikləri vurmasından narahat olduqlarını bildirib: “Bizim Suriya torpaqlarında əməliyyatların yalnız “İslam Dövləti”nə qarşı keçiriləcəyinə dair şübhələrimiz var. Bəşər Əsədin mövqeyini zəiflətmək üçün hökumət qüvvələri də bombalana bilər”.