Xarici zəvvarlar Kərbəlaya buraxılmayacaq

Kərbəla şəhər polisinin mətbuat xidmətinin rəhbəri  Əhməd Muhəmməd Ümran təhlükəsizlik məqsədilə xarici vətəndaşların şəhərə girişinin qadağan olunduğunu açıqlayıb.

Ahlibeyt.az-ın rasthaber.net-ə istinadən verdiyi məlumata görə Əhməd Muhəmməd Ümran verdiyi açıqlamada bunları deyib:

"Xarici vətəndaşların Kərbəlaya girişi qadağan edilmişdir. Amma Kərbəla şəhərinin öz əhalisi üçün şəhərə giriş-çıxış sərbəstdir.Özünümüdafiə və hərbi birləşmələr Əl Ənbar vilayəti sərhədləri də daxil olmaqla hazır vəziyyətə gətiriliblər".

Xatırladaq ki, Kərbəla şəhəri artıq bir müddətdir İmam Zamanla (ə.f) görüşdüyünü iddia edən və Səudiyyə Ərəbistanı tərəfindən dəstəklənən Mahmud Həsən Sərxinin tərəfdarları tərəfindən qanlı qarşıdurmalar meydanına çevrilib. Sərxi öz həbs edilsə də, tərəfdarları tərəfindən vəziyyətin gərginləşdirilməsinə cəhd olunur.Bu səbəbədən Kərbəla şəhərində təhlükəsizlik tədbirləri həyata keçirilir.