Vifleem xristianları Ramazan ayında oruc tuturlar

İşğal altında olan Fələstinin Vifleem(Beytləhm) bölgəsinin xristianları müsəlmanlarla bərabər uzun əsrlik dinlərarası həmrəylik ənənələrini qoruyub saxlayaraq Ramazan ayında oruc tuturlar.

Ahlibeyt.az-ın İslamnews-a istinadən verdiyi xəbərə görə Xristian əhalinin dediklərinə görə həm müsəlmanlar həm xristianlar bu ayda oruc saxlayaraq bir-birinin dinlərinə ehtiram edirlər və bu ənənə Vifleemdə uzun əsrlərdir davam edir.

Xəbərdə o da qeyd olunur ki,xristianların qeyd etdikləri oruc günlərində bir çox Vifleem müsəlmanları xristianlara ehtiram əlaməti olaraq gündəlik yeməklərində ət,süd və pendirdən imtina edirlər.

Qeyd edək ki,işğal altında olan Vifleem (Beytləhm)xristianlar üçün Beytul Müqəddəsdən(Qüds)şəhərindən sonra əhəmiyyətinə görə ikinci müqəddəs şəhər hesab olunur və dünyanın ən qədim xristian icması bu şəhərdə məskunlaşmışdır.Xristian mənbələrdə Hz İsa(ə) və Hz Davud peyğəmbərin bu şəhərdə dünyaya gəlməsi haqda məlumat verilir.