“İraq və Şam İslam Dövləti” (İŞİD) təşkilatına məxsus təkfirçilər 10-cu imam Hadinin (ə) İraqın Samirə şəhərindəki məqbərəsini raketlərdən hədəfə alıblar.

Ahlibeyt.az-ın  SalamNews–a istinadla verdiyi xəbərə görə, atılan iki raket məqbərənin yaxınlığına düşüb və nəticədə doqquz polis nəfəri və təhlükəsizlik qüvvəsi əməkdaşları, həmçinin altı mülki şəxs yaralanıb.

İŞİD-in hücumları ölkənin digər şəhər və əyalətlərində də davam edib. Belə ki, təşkilat üzvləri Diyala əyalətinin əl-Əzim bölgəsində içərisində külli miqdarda kənd təsərrüfatı məhsulları olan anbarları yandırıblar. Yerli rəsmilər dəyən ziyanın 15 milyard dinar (milli valyuta - red.) təşkil etdiyini bildiriblər.

İraq Silahlı Qüvvələri Ali Komandanlığının təmsilçisi Qasim Əta Beyci neft emalı zavodu ərazisində gedən döyüşlərdə 40-dan artıq DAİŞ üzvünün, həmçinin əl-İshaqi bölgəsində təşkilatın liviyalı lideri Əbu-Təlhə əl-Libinin öldürüldüyünü söyləyib.

Əldə edilən digər  məlumatlara görə Mosulun şəhərində keçmişdə dövlət qulluğunda çalışan hərbçilər, polis və təhlükəsizlik əməkdaşlarının siyahıları tutularaq sorğulanır və onlara İŞİD tərəfindən xüsusi tövbə kartları paylanılır.