Azərbaycanlı zəvvarlar Məkkədə səs verir

Məkkədə Həcc ziyarətinə gedən azərbaycanlı zəvvarlar ilk dəfə olaraq Səudiyyə Ərəbistanında səs veriblər.

Seçki qanununa görə, xaricdə yaradılan seçki məntəqələrində ümumvətəndaş, xidməti və diplomatik pasportlarla səs verə bilərlər. Lakin  Səudiyyə Ərəbistanının qanularına görə ölkəyə girən bütün zəvvarların pasportları girişdə alınaraq özlərində saxlanılır. Bunun səbəbi isə odur ki, qrup halında gələn zəvvarlar pasportlarına güvənərək heyətdən ayrı düşməsinlər. Buna görə də zəvvarlar məntəqədə səsverməni şəxsiyyət vəsiqəsi ilə verirlər.

QMİ sədri, Şeyxülislam Allahşükür Paşazadə də artıq səs verib.

Səsvermə davam edir.

Qeyd edək ki, zəvvarların seçki prosesində iştirakına Mərkəzi Seçki Komissiyasının Məkkədə olan səlahiyyətli nümayəndəsi Ramin Nurəliyev nəzarət edir.

Azərbaycandan ümumilikdə 3700 nəfər Həcc ziyarətinə yollanıb.