Şiə olduğuna görə Əl Əzhərdən qovuldu

Misirin İnzibati Prokuroluğu Əl Əzhər universitetində Quranı tədris edən müəllimi şiəliyi qəbul etdiyinə görə universitetdən xaric edilməsi haqqında qərar qəbul edib.

Qərardan əvvəl şiəliyi qəbul edən Əl Əzhərin Quran müəllimi Muhammad Usfur Qafar Əl Ziyad məhkəməsi tərəfindən bir il həbs cəzası verilmişdir. Lakin sonradan bu hökm İnzibati Prokurorluq tərəfindən universitetdən xaric olunmaqla əvəz olunmuşdur. Qərar təsdiq olunması üçün Əl Əzhərin şeyxi Əhməd Əl Tayyibə göndərilib.

Qeyd edək ki, son zamanlar Əl Əzhərin bir neçə sünni alimi və məzunları şiəliyi qəbul elədiklərinə görə Əl Əzhərin idarə edən sünni alimlərini  narahat etməyə başlayıb. Yaxınalrda Əl Əzhərin daha bir məzunu Əllamə Əhməd Əmin Antaki şiəliyi qəbul etdiyini bəyan etmişdir.

Xatırladaq ki , son araşdırmalara görə Misirdə iki milyona yaxın şiə-müsəlman yaşayır.