Əl Əzhərin şeyxi Hizbullahı ittiham etdi

Əl-Əzhərin rəhbəri şeyx Əhməd Tayyib Hizbullahı Bəşər Əsəd rejiminə dəstək verdiyinə görə tənqid elədi.

Ümumən Suriyadakı hadisələr haqqında fikirlərini bölüşən Şeyx Tayyib , Suriyadakı hadisələr sünni və şiələr arasında düşmənçiliyinı təbliğ edən bir absurd teatr olduğunu bildirib.

"Biz istəyirik ki, şiələr və Hizbullah dinlərarası düşmənçiliyə gətirib çıxardan tələdən qacsınlar.Bu hadisələrin hamısı İsrailin güclənməsinə və Qüds üzərində möhkəmlənməsinə gətirib çıxardır. Hizbullah Əsəd rejimini dəstəkləməyə son qoymalıdır."

Əhməd Tayyib bildirib ki, Ərəb dünyasında Hizbullahı Livan ərazilərini İsrail işğalından azad etdiyinə görə böyük hörməti vardı, lakin Əsəd rejiminə dəstək verdiyinə görə sünni dünyası artıq Hizbullaha qarşı münasibəti sərtləşir.

Daha sonra , Əl Əzhər rəhbəri qeyd edib ki, bütün nəzərlər İsrail rejiminə qarşı olmalıdır və işğaıçı rejimin güclənməsinə imkan verilməməlidir.