Müsəlmanlar mitinq elədilər

Parisdə hicablı müsəlman xanımlar mitinq ediblər.
Onlar ölkə təhsil sistemində hicabın sıxışdırılmasına və ölkədə artan islamafobiyaya etiraz ediblər.
"Bütün analar bərabərdi" adlı qadin assosiyasiyasının təşkil etdiyi mitinqdə təhsil sistemində yeni qəbul edilmiş normalara qarşı fikirlər səsləndi. Yeni normalara əsasən hicablı analar uşaqlarının məktəb həyatından təcrid olunur.
Mitinqdə hicablı qadınlara Fransa solçu partiyası dəstək göstərib. Partiyanın nümayəndəsinin sözlərinə görə, fransız hakimiyyəti dünyəvilik və dini bitərəflik prinsiplərində möhtəkirlik edir. Sekulyarizmin belə yanlış izah olunması nəticəsində fransızlar arasında islamofobiyanın yayılmasına gətirib çıxardır.