Kitabdan tarixçilər, şərqşünaslar, Azərbaycan tarixinin ərəb xilafəti dövrü ilə maraqlanan elmi işçilər, tələbələr, həmçinin geniş oxucu auditoriyası faydalana bilər.

Ahlibeyt.az-ın xəbərinə görə, Tarix İnstitunun məlumatında bildirilir ki, AMEA-nın A.A.Bakxanov adına Tarix İnstitutunun aparıcı elmi işçisi, dosent Şahlar Şərifovun “Erkən xilafət dövründə Azərbaycanda ictimai-siyasi və mədəni həyat” adlı monoqrafiyası nəşr olunub.

Kitabda ərəb istilası ərəfəsində Azərbaycanda ictimai-siyasi vəziyyət, Sasanilərin farsdilli əhalini Azərbaycan ərazilərinə köçürməsi, erkən xilafət dövründə Azərbaycanda inzibati idarəçilik üsulu, torpaq və vergi siyasəti, islamın maddi-mənəvi mədəniyyəti, islamiyyətin Azərbaycan ədəbiyyatına təsiri, sözügedən dövrdə Azərbaycan şəhərləri və onların inkişafı, ərəb qəbilələrinin Azərbaycan ərazilərində yerləşdirilməsi və s. mövzular haqqında ətraflı məlumat verilir.

Qeyd olunub ki, monoqrafiyanın tədqiqində müəllif tərəfindən daha çox ərəbdilli və farsdilli mənbələrə istinad edilib.