BMT-də İsrailin nüvə silahından imtina etməsinə səs verilib

BMT Baş Assambleyasının Birinci Komitəsi ilkin səsvermədən sonra İsrailin nüvə silahlarından imtina etməyə və nüvə infrastrukturunu MAQATE-yə verməli olduğu qətnamə qəbul edib.

Ahlibeyt.az-ın News.ru-ya istinadən məlumatına görə, qəbul edilən sənəd İsraili nüvə silahı hazırlamamağa, istehsal etməməyə, sınaqdan keçirməməyə və ya başqa üsullarla əldə etməməyə, nüvə silahına malik olmaqdan imtina etməyə və bütün təminatsız nüvə obyektlərini MAQATE-nin tam əhatə dairəsinə daxil etməyə çağırır.

Rusiya və Ukrayna da daxil olmaqla qətnamənin lehinə 152 ölkə, , əleyhinə isə 5 ölkə (İsrail, Kanada, ABŞ, Mikroneziya və Palau) səs verib. Əksəriyyəti Avropa İttifaqının üzvləri olan 24 ölkə səsvermədə bitərəf qalıb.