“Bu illər ərzində Azərbaycan BMT-nin fəal üzvü olaraq, BMT Nizamnaməsinə, onun əsas prinsiplərinə sadiqlik nümayiş etdirib”.

Ahlibeyt.az SalamNews-a istinadən xəbər verir ki, bunu Azərbaycan Respublikasının xarici işlər naziri Ceyhun Bayramov Azərbaycan-BMT tərəfdaşlığının 30 illiyi, Azərbaycanın Qoşulmama Hərəkatına sədrliyinin 3 illiyi və BMT Günü münasibətilə keçirilən Beynəlxalq Xeyriyyə Yarmarkasının açılış mərasimində deyib.

Nazir bildirib ki, xeyriyyə yarmarkası mədəni müxtəlifliyi öyrənmək üçün bir tədbirdir. Onun sözlərinə görə, eyni zamanda, Azərbaycanda təmsil olunan diplomatik nümayəndəliklərin öz mədəniyyətlərini göstərmək üçün bu bir imkandır.

Nazir qeyd edib ki, tədbirin keçirilməsində məqsəd əlilliyi olan uşaqlara yardım göstərməkdir: “İnanıram ki, biz bu gün birgə səylərimizlə əlilliyi olan bir çox uşağın həyatında müsbət dəyişiklik edə biləcəyik”.

XİN rəhbəri diqqətə çatdırıb ki, xeyriyyə yarmarkası dövlət və özəl sektorun əməkdaşlığı şəraitində keçirilir.