Türkiyə Böyük Millət Məclisi mətbuatda, sosial şəbəkələrdə və internet saytlarda dezinformasiya yaynlara qarşı 3 ilə qədər həbs nəzərdə tutan qanun layihəsini qəbul edib.

Ahlibeyt.az-ın Türkiyə mətbuatına istinadən məlumatına görə, Qanun layihəsi Türkiyə Prezidenti Rəcəb Tayyib Ərdoğanın rəhbərlik etdiyi hakim Ədalət və İnkişaf Partiyasının (AKP) təşəbbüsü ilə parlamentə təqdim edilib.

Türkiyə Böyük Millət Məclisi tərəfindən qəbul edilən yeni qanuna əsasən ölkənin daxili və xarici təhlükəsizliyi, ictimai asayiş və ümumi sağlamlıq barədə xalqda təşviş, qorxu və ya çaxnaşma yaratmaq məqsədi ilə ictimai asayişi pozmağa yönəlmiş yalan məlumat yayan şəxs 1 ildən 3 ilə qədər azadlıqdan məhrum edilə bilər.

Qanuna əsasən, Milli İstihbarat Təşkilatının (MİT) fəaliyyətinə və şəxsi heyətinə qarşı yönəlmiş informasiya xarakterli məlumatlara görə, qanunla müəyyən edilmiş öhdəliklərini yerinə yetirməyən sosial şəbəkə provayderinə inzibati cərimə tətbiq edəcək.