Tarix Muzeyi VIII Bakı Beynəlxalq Kitab Sərgisində sertifikatla təltif olunub

Milli Azərbaycan Tarixi Muzeyi VIII Bakı Beynəlxalq Kitab Sərgisində uğurlu iştirakına görə Mədəniyyət Nazirliyi tərəfindən sertifikatla təltif olunub.

Ahlibeyt.az-ın xəbərinə görə, bu barədə AMEA mətbuat xidmətinin məlumatında bildirilib.

Mədəniyyət Nazirliyinin təşkilatçılığı ilə oktyabrın 5-dən 9-dək keçirilən VIII Bakı Beynəlxalq Kitab Sərgisində muzey nəfis tərtibatlı nəşrləri ilə təmsil olunub.

Milli Azərbaycan Tarixi Muzeyinin stendində muzeyin 100 illik yubileyi ilə bağlı nəşr olunmuş silsilə kitab, kataloq və dövri-elmi nəşrləri ilə yanaşı, müəssisənin tədqiqatçı alimlərinin elmi əsərləri də nümayiş etdirilib.