Dövlət Komitəsi “Zəfərə aparan ideya” adlı müsabiqə elan edib

Ailə, Qadın və Uşaq Problemləri üzrə Dövlət Komitəsi yeni kreativ ideyaların uşaqların yaradıcı potensialının formalaşmasında müstəsna əhəmiyyətini nəzərə alaraq 8 Noyabr-Zəfər Gününə həsr edilmiş “Zəfərə aparan ideya” adlı layihə müsabiqəsi elan edir.

Ahlibeyt.az Dövlət Komitəsinə istinadən xəbər verir ki, müsabiqə uşaqların şəxsiyyət və vətəndaş kimi formalaşması, vətənpərvərlik və mili-mənəvi dəyərlər ruhunda tərbiyəsi, maraqlarına toxunan məsələlərdə onların iştirakının təmin edilməsi, sərbəst düşünmə və problem həlletmə qabiliyyətinin formalaşdırılması, istedadlı uşaqların cəmiyyətə təqdim edilməsi məqsədi ilə keçirilir.

Müsabiqədə iştirak etmə qaydaları ilə tanış olmaq və qeydiyyat üçün bu linkə daxil ola bilərsiniz.