Azərbaycan parlamentinin nümayəndə heyəti Düşənbə şəhərində bir sıra tarixi-mədəni məkanlarla tanış olub

Milli Məclisin sədri Sahibə Qafarovanın başçılıq etdiyi parlament nümayəndə heyəti Tacikistana rəsmi səfəri çərçivəsində sentyabrın 12-də bir sıra tarixi-mədəni məkanlarla tanış olub.

Ahlibeyt.az-ın xəbərinə görə, Milli Məclisin Mətbuat və ictimaiyyətlə əlaqələr şöbəsindən mətbuata bildirilib ki, nümayəndə heyətinin üzvləri əvvəlcə Düşənbədə şəhərində yerləşən "Koxi Navruz" kompleksinə baş çəkib. Məlumat verilib ki, 12 böyük zaldan ibarət olan kompleks mərasim və tədbirlər üçün nəzərdə tutulub. Qonaqlar kompleksin ekspozisiyası və zallarına baxıblar.

Sonra parlament nümayəndə heyəti Tacikistan Milli Muzeyinə gəlib, burada tacik xalqının qədim tarixi, mədəniyyəti haqqında eksponatlarla tanış olublar.