İslam Əməkdaşlıq Təşkilatının (İƏT) Baş Katibliyi Səudiyyə Ərəbistanı Krallığının İdman Nazirliyi ilə birgə  “Ümmətin həmrəyliyi üçün gənclərin və idmanın inkişafı” mövzusunda beşinci sessiyası keçiriləcək.

Ahlibeyt.az-ın İƏT-in mətbuat xidmətinə istinadən məlumatına görə,konfrans Ciddədə 07-09 sentyabrda baş tutacaq

Konfransda İƏT-ə üzv ölkələrdə gənclərin vəziyyəti, İƏT və onun müvafiq orqan və institutlarında gənclərin və idmanın inkişafına verdiyi önəmin müzakirəsi planlaşdırılır.

Bu sessiyada sabitlik, tərəqqi, tərəqqi üçün əlverişli şəraitin təmin edilməsi və terror təşkilatları tərəfindən çağırılan ekstremist və zorakı ideyalarla mübarizə məqsədi ilə gənclərin bacarıqlarının artırılması, onların inkişafda rolunun yüksəldilməsi, dialoq, mülayimlik, tolerantlığın təşviqi ilə bağlı fəaliyyətləri müzakirə olunacaq.

Panel iclaslarda İslam İnkişaf Bankı (İİB), İslam Dünyası Təhsil, Elm və Mədəniyyət Təşkilatı (ISESCO), Qadın İnkişafı Təşkilatı (WDO) İslam Ölkələri üçün Statistik, İqtisadi və Sosial Araşdırmalar və Tədris Mərkəzi (SESRIC), Ticarətin İnkişafı üzrə İslam Mərkəzi (ICDT), İslam Həmrəyliyi İdman Federasiyası (ISSF), İslam Əməkdaşlıq Gənclər Forumu (ICGF) və Beynəlxalq Müsəlman Skautlar İttifaqı (IUMS) başda olmaqla, İƏT-ə üzv dövlətlərin idman və gənclər sahəsində səyləri nəzərdən keçiriləcək.