BMT baş katibi Antoniu Quterreş Türkiyəyə səfər edib.

Ahlibeyt.az-ın Anadolu agentliyinə istinadən xəbərinə görə, Quterreş iyulun 22-də İstanbulda Ukrayna limanlarında gözləyən taxıl yüklü gəmilərin daşınması sazişinin imzalanma mərasiminə qatılacaq.

iyulun 22-də İstanbulun Dolmabağça sarayında Ukrayna və Rusiyanın Qara dəniz limanlarından ərzaq məhsulları və taxıl ixracını təşkil etməyə imkan verən sazişin imzalanması mərasimi keçiriləcək.

Taxıl tədarükü ilə bağlı sənəd Türkiyə prezidenti Rəcəb Tayyib Ərdoğan və BMT-nin baş katibi Antonio Quterreşin iştirakı ilə Rusiya və Ukrayna nümayəndə heyətlərinin iştirakı ilə imzalanacaq.

Bundan əvvəl Türkiyə metropolisində Rusiya Federasiyası, Ukrayna, Türkiyə və BMT nümayəndələrinin müharibə səbəbindən bağlanmış Ukrayna limanlarından taxıl və ərzaq təchizatı məsələsi ilə bağlı dördtərəfli görüşü keçirilib.

Türkiyənin milli təhlükəsizlik naziri Hulusi Akar İstanbulda hər dörd tərəfin nümayəndələrinin yerləşəcəyi Koordinasiya Mərkəzinin yaradılmasında irəliləyiş əldə olunduğunu açıqlayıb.