"Qəzzanın göz yaşları” Amerikada

Amerikada  “Qəzzanın göz yaşları” sənədli filmin premyerası və vətənlərini şəkillərində təsvir edən balaca qəzzalıların sərgisi keçiriləcək.  “PRWeb” məlumat verir ki, 2009-cu ildə Amerikadan gələn xüsusi nümayəndə heyəti Qəzzaya səfər etmişdi. İsrailin burada həyata keçirdiyi soyqırımdan sonra Qəzzanın vəziyyətini görən amerikalılar özlərinə gələ bilməmişdilər. Müxtəlif müəssiələrdə, o cümlədən Qəzzada yaşamış və həlak olmuş amerikalı gənc xanım fəal Reyçel Korrinin adını daşıyan uşaq mərkəzində uşaqların müharibədən sonrakı həyatlarını əks etdirən rəsm və şəkilləri gördükdən sonra, əcnəbilər bu problemi dünyaya çatdıracaqlarına söz verdilər.

Mayın 24-ü “Qəzza uşaqların gözü ilə” sərgisi San-Diyeqoda keçiriləcək. Bundan sonra norvecli rejissor Vibeke Lekkeberqin lentə aldığı “Qəzzanın göz yaşları” filmi nümayiş etdiriləcək.