QMİ sədri Allahşükür Paşazadə və dini icma rəhbərlərinin Ağdama səfəri başlayıb (FOTO)

Qafqaz Müsəlmanları İdarəsinin sədri Allahşükür Paşazadə və ölkədəki dini konfessiyaların rəhbərlərinin Ağdama səfəri başlayıb.

Ahlibeyt.az-ın Tren-ə istinadən məlumatına görə, səfərdə Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə, idarənin Qazılar Şurasının üzvləri, Azərbaycandakı Dağ yəhudiləri icmasının rəhbəri Melix Yevdayev, Bakıdakı Avropa yəhudiləri icmasının rəhbəri Aleksandr Şarovski, Azərbaycandakı Roma Katolik İcmasının rəhbəri Vladimir Feketen, Alban udi dini icmasının rəhbəri Robert Mobili və Pravoslav kilsəsinin nümayəndələri iştirak edirlər.

Səfər çərçivəsində QMİ sədri və dini konfessiya rəhbərləri Bərdə şəhərindəki Şəhidlər xiyabanını və  Bərdədə Cümə məscidini ziyarət ediblər.

Qeyd olunur ki, daha sonra Ağdama səfər edəcək QMİ sədri və dini konfessiya rəhbərləri Ağdamın Cümə məscidini ziyarət edərək orada namaz qılacaqlar.