Azərbaycan xarici işlər naziri Ceyhun Bayramov Tacikistana səfərə yola düşüb.

Ahlibeyt.az-ın xəbərinə görə, bu barədə Xarici İşlər Nazirliyindən məlumat verilib.

C.Bayramovun “Asiyanın Ürəyi – İstanbul Prosesi” 9-cu Nazirlər Konfransında iştirak etməsi, habelə yüksək səviyyəli dövlət rəsmiləri ilə ikitərəfli görüşlər keçirməsi nəzərdə tutulub.

Həmçinin İran və Türkiyə XİN rəhbələri, Əfqanıstan prezidenti, Hindistan, Pakistan, Çin və Səudiyyə Ərəbistanın müvafiq rəsmiləri Tacikistan və Əfqanıstan hökumətlərinin həmsədrliyi ilə keçiriləcək “IX Asiyanın Ürəyi - "İstanbul Presesi" beynəlxalq konfransına qatılmaq üçün Düşənbəyə yollanıblar.

Bu formatda konfrans ilk dəfə İstanbulda keçirildiyindən ona İstanbul konfransı da deyilir.

Bu konfransında daimi iştirakçılar 14 ölkədir. İran, Türkiyə, Səudiyyə Ərəbistanı, Çin, Pakistan və Hindistan onun əsas üzvləridirlər. Daha 17 ölkə və 14 beynəlxalq təşkilat isə bu konfransa müşahidəçi qismində qatılır.