إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Ayətullah Sistani İŞİD-in törətdiyi partlayışlardan sonra müraciət ünvanlayıb

Ayətullah Seyid Əli Sistani İŞİD-in Bağdadda törətdiyi partlayışlardan sonra ölkənin təhlükəsizlik qüvvələrinə müraciət edib.

Ahlibeyt.az-ın xəbərinə görə, SalamNews Sumariya Agentliyinə istinadla xəbər verir ki, bu barədə Ayətullah Sistaninin Dəftərxanası bəyanat verib.

Bildirilib ki, terror partlayışlarından sonra Ayətullah Sistani təhlükəsizlik qüvvələrini ölkə xalqının təhlükəsizliyini təmin etmək üçün səylərini səfərbər etməyə və müvafiq tədbirləri möhkəmləndirməyə çağırıb.

Ayətullah Sistani bu bəyanatda İraq xalqına başsağlığı verib və pusquda durmuş düşmənin planlarını zərərsizləşdirmək üçün müvafiq tədbirlərin artırılmasını istəyib.

Qeyd edək ki, ötən gün 32 nəfərin ölümü ilə nəticələnən silsilə partlayışları İŞİD terror təşkilatı üzərinə götürüb. Terror təşkilatı Teleqram-dakı səhifələri vasitəsilə bəyanat yayaraq, bildirib ki, bu hücumda hədəfi “şiə rafiziləri” olub.


Saytın materiallarından istifadə edərkən istinad vacibdir!
22 Yanvar, 2021  11:12 Çap

Bu bölmədə


Xəbər lenti















© 2021 .Bütün hüquqlar qorunub.
Saytın materiallarından istifadə edərkən istinad vacibdir!
CMS Danneo
© Saytı düzəldib: 313wb.com