إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Heydər məscidində Vətən müharibəsi şəhidlərinin xatirəsinə vəhdət namazı qılınıb - VİDEO

Dekabrın 4-də Azərbaycan ərazisində fəaliyyət göstərən bütün ibadət ocaqlarında Vətən müharibəsi şəhidlərinin xatirəsi yad edilib, ruhlarına dualar oxunub.

Ahlibeyt.az xəbər verir ki, Bakıdakı Heydər məscidində Qafqaz Müsəlmanları İdarəsinin (QMİ) sədri Şeyxülislam Allahşükür Paşazadənin iştirakı ilə şəhidlər yad edilib.

QMİ sədri deyib ki, Azərbaycan xalqına bu Qələbəni bəxş edən Müzəffər Ali Baş Komandanımız, Ordumuz, şəhidlərimizdir. 44 günlük Vətən müharibəsində başda Ali Baş Komandan İlham Əliyev olmaqla, Azərbaycan Ordusu zəfər çalaraq tarixdə yeni səhifə açdı. Xalqımız xoşbəxt xalqlardan biridir. Bu Qələbənin memarı isə ulu öndər Heydər Əliyevdir. 1993-cü ildə xalqımız Ümummilli Liderə müraciət edərək onu Azərbaycana dəvət etdi. Ulu Öndər müstəqil Azərbaycanı yenidən qurdu.

A.Paşazadə deyib ki, Vətən yolunda şəhid olanlar Allah yanında ən yüksək məqamdadırlar. Həm Birinci Vətən müharibəsi, həm də İkinci Vətən müharibəsi dövründə şəhidlərimiz oldu, Allah onlara rəhmət eləsin! Sünni və şiə məzhəbində olanlar bu gün şəhidlərimizin ruhuna birlikdə dualar etdilər.

Şeyxülislam xatırladıb ki, ulu öndər Heydər Əliyev Kəbədə olarkən torpaqlarımızın işğaldan azad edilməsi üçün dualar edib. Sonrakı dövrlərdə Kəbədə Prezident İlham Əliyev və birinci xanım Mehriban Əliyeva da Qarabağın azad olunması, şəhidlərimiz, Azərbaycan üçün dualar ediblər. Bu gün xalqımız İlham Əliyev kimi Prezidenti olduğuna görə Allaha şükür edir. Dövlətimizin başçısı tarixdə daim böyük fateh kimi qalacaq.

Şeyxülislam vurğulayıb ki, Prezident İlham Əliyev ulu öndər Heydər Əliyevin böyük vəsiyyətini yerinə yetirdi, torpaqlarımız işğaldan azad olundu. Bu gün xalqımız Prezidentimizin ətrafında sıx birləşib.

QMİ sədrinin birinci müavini, müfti Salman Musayev qeyd edib ki, əldə etdiyimiz tarixi Zəfər Müzəffər Ali Baş Komandan İlham Əliyevin qətiyyəti, xalqımızın şücaətli oğullarının sayəsində mümkün oldu. Torpaqlarımız şəhid qanı bahasına azad olundu. Şəhidlərimizə rəhmət, qazilərimizə şəfa diləyirik. Mənfur düşmən Qarabağdakı məscidlərimizin, ziyarətgahlarımızın və türbələrimizin demək olar ki, hamısını məhv edib. Prezident İlham Əliyevin də dediyi kimi, o məscidlər, ziyarətgahlar, türbələr bərpa ediləcək.

 

 

 

 

 

Saytın materiallarından istifadə edərkən istinad vacibdir!
4 Dekabr, 2020  16:18 Çap

Bu bölmədə


Xəbər lenti











20 Yanvar, 2021  09:00




© 2021 .Bütün hüquqlar qorunub.
Saytın materiallarından istifadə edərkən istinad vacibdir!
CMS Danneo
© Saytı düzəldib: 313wb.com