إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Azərbaycan İlahiyyat İnstitutunda birdəfəlik dissertasiya şurası yaradılıb

Azərbaycan İlahiyyat İnstitutunda (Aİİ) Birdəfəlik dissertasiya şurası yaradılıb.

Ahlibeyt.az-ın xəbərinə görə,bu barədə Aİİ mətbuat xidmətinın məlumatında bildirilir.

Aİİ-nin nəzdində fəlsəfə elmləri sahəsində fəlsəfə doktoru dissertasiyalarının müdafiəsinin təşkili üçün yaradılan Birdəfəlik dissertasiya şurası iki ixtisas üzrə fəaliyyət göstərəcək: “Dinşünaslıq” və “Dinin tarixi və fəlsəfəsi”.

Şuranın yaradılması Azərbaycan Respublikasının Prezidenti yanında Ali Attestasiya Komissiyası tərəfindən təsdiq edilmiş müvafiq əmrinə əsasən həyata keçirilib.

Birdəfəlik dissertasiya şurası Azərbaycan Respublikası Prezidentinin 2019-cu il 11 iyun tarixli 728 nömrəli Fərmanı ilə təsdiq edilmiş “Elmi dərəcələr verilməsi qaydası haqqında Əsasnamə”nin 4.9-cu bəndinə əsasən, “Azərbaycan Respublikasının Prezidenti yanında Ali Attestasiya Komissiyası haqqında Əsasnamə”nin 4.2.1-ci yarımbəndi və 4.8-ci bəndinə uyğun olaraq yaradılıb.

Qeyd edək ki, Azərbaycan İlahiyyat İnstitutu Azərbaycan Respublikası Prezidentinin 9 fevral 2018-ci il tarixli 3654 nömrəli Sərəncamına əsasən, Dini Qurumlarla İş üzrə Dövlət Komitəsinin tabeliyində yaradılıb.

Aİİ-yə bakalavriat səviyyəsi üzrə “Dinşünaslq” və “İslamşünaslıq”, magistratura səvviyəsi üzrə “Dinin psixologiyası”, “Dinin sosiologiyası”, “Dinlərin tarixi”, “İslamşünaslıq”, doktorantura və dissertantura səviyyələri üzrə isə “Dinşünaslıq” və “Dinin tarixi və fəlsəfəsi” ixtisasları üzrə qəbul həyata keçirilir.

 

Saytın materiallarından istifadə edərkən istinad vacibdir!
23 Noyabr, 2020  15:20 Çap

Bu bölmədə


Xəbər lenti











20 Yanvar, 2021  09:00




© 2021 .Bütün hüquqlar qorunub.
Saytın materiallarından istifadə edərkən istinad vacibdir!
CMS Danneo
© Saytı düzəldib: 313wb.com