إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا

Dünyada

Hələlik Ərbəin yürüşü ilə bağlı heç bir göstəriş verilməyib - Açıqlama

“İraq rəsmiləri  Ərbəin yürüşü ilə bağlı susurlar. Ərbəin yürüşünün  təşkili və ya təşkil olunmaması ilə bağlı da  fikir bildirmirlər”.

Ahlibeyt.az-ın məlumatına görə, Maide.Az “Fars” agentliyinə istinadla xəbər verir ki, bunu İranın İraqdakı səfiri  İrəc Məscidi  deyib.

O bildirib ki,  İraq rəsmiləri koronavirusla bağlı mövcud şəraitdə Ərbəin yürüşündən danışmağın çətin olduğunu bildirirlər və buna görə də hələlik Ərbəin yürüşü ilə bağlı heç bir göstəriş verilməyib.

“İraqda koronavirus epidemiyasının geniş yayılması və bu ölkədə tibbi imkanların zəif olması  narahatedici məsələlərdəndir.  Mən İraq rəsmilərinin bu il Ərbəin yürüşü üçün əcnəbi zəvvarları qəbul edəcəyini düşünmürəm.  İraq rəsmiləri böyük ehtimalla yalnız öz vətəndaşları üçün  məhdud şəkildə  Ərbəin yürüşündə iştiraka icazə versin. Ötən illərdə olduğu kimi Ərbəin yürüşünün təşkil olunması  əməldə mümkinsiz görünür”.

O qeyd edib ki,  İmam Musa Kazimin (ə) şəhadət mərasimi də İraqda Ərbəin yürüşü kimi təşkil olunur. “Cari ildə İraq rəsmiləri  koronavirusa görə Hərəmə girişi bağlanmışdı, şəhadət günü  ətraf şəhər və kəndlərdən gələnləri  şəhərə girişi qadağan olundu. Zəvvarlar çox hörmətlə  geri qaytarıldı.  Ərbəin yürüşündə də  əgər İraq əhalisi Kərbəlaya tərəf yürüş etsə də ola bilsin hərbiçilər şəhərə girişi bağlasın”.

Hər il İmam Hüseyn (ə) və Kərbəla şəhidlərinin 40 mərasimi - Ərbəin münasibətilə milyonlarla müsəlman Kərbəla şəhərinə piyada yürüş edir.

Ötən il 20 milyon insanın bu izdihamlı mərasimdə iştirak etdiyi bildirilir. Bu il Ərbəin miladi təqvim ilə 08 oktybar tarixinə təsadüf edir.

Zəvvarlar Nəcəf - Kərbəla istiqamətində olan təxminən 80 km-lik yolu piyada qət edərək ziyarətə gedirlər.

 

Saytın materiallarından istifadə edərkən istinad vacibdir!
8 İyul, 2020  10:34 Çap

Bu bölmədə


© 2020 .Bütün hüquqlar qorunub.
Saytın materiallarından istifadə edərkən istinad vacibdir!
CMS Danneo
© Saytı düzəldib: 313wb.com